السلام عليكم ورحمة الله وبركاته 

انا النهارده لسه مروحه من المدرسه حالا انا الصراحه تعبانه شويه بس انا كنت راحه المدرسه عشان اعرف عملي الكيمياء بيتعمل ازاي التجارب يعني  بس رحت وانا برده اللي اتصلت بمنار ولاقيتهه جايه هي واسماء وفضلنا مستنين خلود عشان دخل والصراحه انا كنت زهقانه مفيش حاجه تتتقال يعني مواضيع مشتركه بقي وبتاع اسماء قعدت تحكي عن حاجات كتيره وكده بس عادي والله انا بحب استمع للناس يعني بس منار مكانتش بتقول حاجه وبعد كده جات مي وعيال كده من اللي مش بطيقهم بس امري لله ودخلنا العملي وطلعنا وفضلنا قعدين تحت المظله وملللللللللللللللللللللل لان المدرسه كانت قافله وقتها ومش بتطلع حد والصراحه انا زهقت كلهم عارفين بعض وانا قاعده كده حتي مش عايزه احاول اتعرف فقلتلهم ايه انا عايزه امشي قعدت تقول لي اقعدي وكده بس انا روحت وطبعا فضلت ماشيه لوحدي زي الصبح كده وكان الجو مغيم وانا بطبيعتي بحب الجو المغيم والشتاء واشجار الخريف كمان بموت فيهه ققضلت ماشيه وبعد كده ركبت والحمد لله وصلت البيت وانا اهوه قاعده اكتب معي اني المفروض اذاكر اصل احنا البارحه عملنا جدول للغه عربيه مراجعة امتحانات عشان احنا طلعنا من عند غديه لان مراجعته متخلللللللفه  اهيه دقني اهيه لو رحت له السنه الجايه وكان علينا حفظ امبارح 3 فصول قصه ونص مصر جنة الحسن انا حفظت ال3 فصول بس لسه النص وعندي كمان مذاكرة كيمياء واحياء لا بس عندي انجليزي انا اصلا عندي دروس كتير جدا بكره او امتحانات بمعني اصح عندي امتحان كيمياء وحصة وحصة احياء وامتحان انجليزي يلا مين يزود هيييييييييييييه بس فانا المفروض اني اقوم دلوقتي اشوف يعني هافطر ولا ايه عشان ماما مش موجوده بتعمل تحليل لزهراء وحبيبه ساره بس هي اللي موجوده وتيتا وجهاد ف الكليه انا النهارده صحيت الساعه 7 مع اني كنت عايزه اصحي الفجر النهارده بس انا بفلاحتي قعدت  اقرا قصه من سلسلة عبير ونمت الساعه2 فطبعا مصحيتش اولا ضيعت وقتي ف كلام فارغ وفاضي والقصه معجبتنيش وكمان مصحيتش الفجر والله انا ندمانه ربنا يسامحني استغفر الله العظيم من كل ذنب عظيم يلا انا ماشيه دلوقتي مره تانيه ان شاء الله بس بعد الامتحانات بقي اه صح  انا دلوقتي بتابع مسلسل ايام الزهور تاني بس المره الدبلجه مبلوعه شويه عشان نش خليجي وكمان باسماؤهم الحقيقيه جونقيو وجاندي وجيهو وكمان لسه بس انا مش فاكره قوي انا بتابعه للمره التانيه يلا بقي يارب يخلص واستريح وتيجي بقي قناة كوريا فعلا وتجيب مسلسلات وبرامج كوريه حديثه هييييييييييييييييييييييييييييييييييييييييييييه يلا بجد بقي المره ديه مع السلامه هروج اذاكر دلوقتي بقي

سبحان الله والحمد لله ولا اله الا الله والله اكبر اللهم صلي علي سيدنا محمد وعلي آل سيدنا محمد كما صليت علي سيدنا ابراهيم وعلي آل سيدنا ابراهيم في العالمين انك حميد مجيد

الصراحه انا تعبانه جدا الهارده انا ف دروس من الساعه واحده كان عندي رياضه واحياء وكيمياء وانجليزي ولسه راجعه الساعه ثمانيه دلوقتي وكمان اخدت درجة امتحان الكيمياء وجيبت 29ونصف من 30 عشان غلطه تافهه بس يلا مش مهم اهو بتعلم من اخطائي يعني ويا سلام بقي كمان عندي بكره عربي وتسميع الادب الاندلسي كله وفصل القصه وفيه كمان واجب نحو وبلاغه يووووووووووووووووه انا زهيييييييييييييييييييييييييقت جدااااااااااااااااااااااااااااااا امتي بقي الاجازه تجي واستريح من وشوش الاساتذه دول ومن كمان وشوش اصحابي انا زهقت انا عايزه استريح بقي واقعد ف البيت شويه واريح اعصابي واتجهز للسنه الجايه عشان شهاده بقي فازم ان شاء الله اجيب مجموع عالي عشان يدخلني كليه عاليه بس الموضوع ده حاجه تانيه خالص ده عايز له تقرير مفصل عن الموضوع بالتفصيل مره تانيه بقي عشان انا تيعبااااااااااااااااااااااااااااااااااااااااااااااااااااااااااااااااااانه تصبحوا ع خير

حسنا انا اليوم استيقظت مبكرا للمذاكره لامتحان الكيمياء وحصة الاحياء وذهبت للامتحان وان شاء الله احصل علي درجه نهائيه ولكن انا هذه الايام لا اصلي لاسباب معروفه وبالتالي لا اقراء القران فان شاء الله الايام ديه تمر بسرعه  وانا بابا هيسافر بكره الامارات وعايز ياخد اللابتوب  معاه  بس انا مظبطه حاجات كتيره ع اللابتوب ده ولسه هانقل الحاجات كمان من علي اللابتوب ده علي بتاعه وانا زهقت وكل شويه حاجه تحصل فيه يجيبوهه فيه كأن يعني مفيش غيري هيبوظه بس يلا مش مهم انا اصلا خلاص تعبت من كل حاجه من الدروس ومن اصحابي ومن الاساتذه من كل حاجه البارحه استاذ الانجليزي عشان غلط في سؤالين خلاص بقي قعد يزعقلي  ويعمل فيها بتاع وهو اصلا ع الفاضي بس انا الصراحه مش بحب حد يقلل من شاني امام اي حد مهما كان ف يعني عيط شويه بس انا اصلا مش بحب اعيط امام حد ف عيط من تحت لتحت محدش اخد باله وطبعا بعد الحصه كأن شئ لم يكن اتصرفت عادي مع اصحابي عشان يعني ايه عادي عديتهه بس ف نفسيتي برده كنت زعلانه شويه المره الجايه اللي هكتب فيه عايزه اكتب الانكليزي يعني تغيير يعني ماشي وكمان عشان انمي لغتي وعلي فكره انا رسمت رسمه جديده وانا بذاكر هبقي احط صورتهه اهيه انا رسمتهه والنور قاطع بما اننا في مصر ف ديه حاجه طبيعيه يعني  بالنسبه لوضعنا الحالي  يارب ان شاء الله اضظل عايشه لغاية ما الاقي بلدنا ديه وجميع البلاد العربيه متقدمه 

حسنا اليوم هو اول يوم لي في هذه المدونه وانا لا اعرف كيف اتعامل معها او افعل اي شئ لذلك انا سوف احاول ولكن ف الاجازه حيث ان امتحانات النهائيه الشهر القادم ويجب علي ان اذاكر واجتهد وانا مستاءه جدا اليوم بسبب المذاكره ولكن ان شاء الله باذن الله ساظل متمسكه بالامل ولن ايأس حسنا الان ساذهب للنوم استودعكم الله الذي لا تضيع ودائعه .....